കൂത്തുപറമ്പ്:കൂത്തുപറമ്പ് ബിഎസ്എൻഎൽ ഓഫീസ് കോമ്പൗണ്ടിൽ തീപിടുത്തം.ഇന്നലെ വൈകുന്നേരം നാലുമണിയോടെയാണ് ഉണ്ടായത്.ഓഫീസ് കോമ്പൗണ്ടിലെ ജനറേറ്റർ റൂമിനോട് ചേർന്ന് കേബിളുകളും പഴയ ഫോണുകളും കൂട്ടിയിട്ടിടത്താണ് തീപിടുത്തമുണ്ടായത്.വലിയ പുക ഉയരുന്നത് ശ്രദ്ധയിൽപ്പെട്ട ജീവനക്കരും നാട്ടുകാരും ചേർന്ന് ഉടൻ തന്നെ തീയണച്ചതിനാൽ തൊട്ടടുത്ത ജനറേറ്റർ മുറിയിലേക്കും ഡീസൽ ടാങ്കിലേക്കും തീ പടരുന്നത് തടയാനായി. തൊട്ടടുത്ത് തന്നെയാണ് ബിഎസ്എൻഎൽ ടവർ,കെഎസ്ഇബി ട്രാൻസ്ഫോർമർ എന്നിവയും.കൂത്തുപറമ്പ്,പാനൂർ എന്നിവിടങ്ങളിൽ നിന്നെത്തിയ ഫയർഫോഴ്സാണ് തീയണച്ചത്.