കണ്ണൂർ:തോക്കേന്തിവന്ന മാവോയിസ്റ്റുകള്‍ അമ്പായത്തോട് ടൗണില്‍ പരസ്യമായി മുദ്രാവാക്യം മുഴക്കി ലഘുലേഖകള്‍ വിതരണം ചെയ്ത സംഭവത്തെ തുടർന്ന് അമ്പായത്തോട് മേഖലയില്‍ ബോര്‍ട്ടും നക്സല്‍ വിരുദ്ധ സേനയും സംയുക്തമായി തിരച്ചില്‍ നടത്തി.ഇന്ന് പുലര്‍ച്ചെ ഒന്നോടെയാണ് തിരച്ചില്‍ അവസാനിപിച്ചത്. ജില്ലാ പോലീസ് മേധാവി ശിവ വിക്രം തിരച്ചിലിന് നേതൃത്വം നല്‍കി.ഇന്ന് രാവിലെ എസ് പി സ്ഥലത്തെത്തിയ ശേഷം കൂടുതല്‍ നീക്കങ്ങള്‍ ഉണ്ടാകുമെന്നാണ് സൂചന. ഇക്കഴിഞ്ഞ ശനിയാഴ്ച വൈകുന്നേരം ആറരയോടെയാണ് സംഭവം. 10 പേര്‍ അടങ്ങിയ സംഘമാണ് എത്തിയത്.4 പേര്‍ മുദ്രാവാക്യം മുഴക്കി ലഘുലേഖകൾ വിതരണം ചെയ്തു.ബാക്കിയാളുകള്‍ മാറി നിന്നു.എകെ 47 യന്ത്രത്തോക്ക് ഉള്‍പ്പെടെ ഇവരുടെ കൈവശം ഉണ്ടായിരുന്നു.ഒരുസ്ത്രീയും സംഘത്തില്‍ ഉണ്ടായിരുന്നു.അതേസമയം മാവോയിസ്റ്റ് സംഘത്തിലെ മൂന്നുപേരെ തിരിച്ചറിഞ്ഞതായി പോലീസ് പറഞ്ഞു.സിപിഎം മാവോയിസ്റ്റിന്റെ കബനീദളത്തിലെ അംഗങ്ങളാണ് ഇവര്‍.രാമു, ടി.പി മൊയ്തീന്‍, കവിത എന്നിവരെയാണ് തിരിച്ചറിഞ്ഞത്.ദൃശ്യങ്ങള്‍ സമീപത്തെ സിസിടിവി ക്യാമറയില്‍ പതിഞ്ഞതിനാലാണ് തിരിച്ചറിയാന്‍ സാധിച്ചത്.