കണ്ണൂർ:മാലൂർ ഗവ.ഹയർസെക്കണ്ടറി സ്കൂൾ ഗ്രൗണ്ടിൽ കളിച്ചുകൊണ്ടിരിക്കെ അബദ്ധത്തിൽ കിണറ്റിൽ വീണു പരിക്കേറ്റ വിദ്യാർത്ഥി മരിച്ചു.പത്താം ക്ലാസ് വിദ്യാര്‍ത്ഥി ആദര്‍ശ് ആണ് മരണപെട്ടത്.ഇക്കഴിഞ്ഞ ചൊവ്വാഴ്ച വൈകുന്നേരം കൂട്ടുകാരോടൊപ്പം കളിക്കവെ സ്കൂൾ പറമ്പിലെ ആഴമേറിയ കിണറ്റിലേക്ക് വീഴുകയായിരുന്നു.കോഴിക്കോട് ബേബി മെമ്മോറിയൽ ഹോസ് പിറ്റലിൽ വെന്റിലേറ്ററിൽ ചികിത്സയിലിരിക്കെയാണ് മരണം. മാലൂർ കെ.പി.ആർ.നഗറിനടുത്ത് ഓർമ്മ സ്റ്റോപ്പിൽ കുഞ്ഞും വളപ്പ് വീട്ടിൽ മീത്തലെ പുരയിൽ രമേശന്റെയും സി.രൂപയുടെയും മകനാണ്.സഹോദരൻ: സി. ആദിത്ത്.