കൊച്ചി:ശബരിമല ദർശനം നടത്താൻ ആഗ്രഹം പ്രകടിപ്പിച്ച് കൊച്ചിയിൽ വാർത്താസമ്മേളനം നടത്തിയ യുവതിയുടെ വീടിനു നേരെ ആക്രമണം.മൂന്നു യുവതികളാണ് വാർത്ത സമ്മേളനം നടത്തിയത്.ഇതിൽ എറണാകുളം സ്വദേശി അപര്ണ ശിവകാമിയുടെ വീടിന് നേരെയാണ് ആക്രമണം ഉണ്ടായത്. ബൈക്കിലെത്തിയ സംഘം വീടിന് നേരെ കല്ലെറിയുകയായിരുന്നു. ആക്രമണത്തില് വീടിന് കാര്യമായ കേടുപാടുകള് സംഭവിച്ചിട്ടുണ്ട്. ഇന്ന് പുലര്ച്ചെയാണ് സംഭവം.കണ്ണൂര് സ്വദേശികളായ രേഷ്മ നിഷാന്ത്, ഷനില സതീഷ്, കൊല്ലം സ്വദേശി വി.എസ്. ധന്യ എന്നിവര് കൊച്ചിയില് വാര്ത്താസമ്മേളനം വിളിച്ചത് അപര്ണ ശിവകാമിയുടെ നേതൃത്വത്തിലായിരുന്നു.നിലവിലെ കലുഷിത സാഹചര്യത്തില് ദര്ശനം നടത്താന് ആഗ്രഹിക്കുന്നില്ല. പൂര്ണസുരക്ഷയോടെ അയ്യപ്പദര്ശനം സാദ്ധ്യമാകുംവരെ മാല ഊരില്ലെന്ന് യുവതികള് വാര്ത്താ സമ്മേളനത്തില് വ്യക്തമാക്കിയിരുന്നു.