കണ്ണൂർ:മറയൂർ ചന്ദനം ഇനി മുതൽ കണ്ണവം കണ്ണോത്ത് തടിഡിപ്പോയിൽ നിന്നും ചില്ലറയായി വാങ്ങാം.ക്ഷേത്ര ജീവനക്കാർക്കും വ്യക്തികൾക്കും മറയൂർ ചന്ദന ഡിപ്പോയിൽ പോയി ചന്ദനം വാങ്ങുന്നതിനുള്ള പ്രായോഗിക ബുദ്ധിമുട്ട് പരിഗണിച്ചാണ് വനം വകുപ്പ് പുതിയ തീരുമാനമെടുത്തിരിക്കുന്നത്.നേരത്തെ മറയൂരിൽ ഓൺലൈനായി മാത്രമാണ് വിൽപ്പന നടത്തിയിരുന്നത്.കിലോഗ്രാമിന് എല്ലാ നികുതിയും ഉൾപ്പെടെ 19500 രൂപ,17500 രൂപ എന്നിങ്ങനെ രണ്ട് ഗുണനിലവാരത്തിൽപ്പെട്ട ചന്ദനമാണ് കണ്ണോത്ത് ഡിപ്പോയിൽ നിന്നും ലഭിക്കുക. ക്ഷേത്രങ്ങൾക്കും ലൈസൻസുള്ള ആരോഗ്യ സ്ഥാപനങ്ങൾക്കും രേഖകൾ ഹാജരാക്കി ചന്ദനം വാങ്ങാവുന്നതാണ്.പൊതുജങ്ങൾക്ക് ഒരുകിലോ വരെ ചന്ദനം വാങ്ങാം. ഫോൺ:8547602859,04902-302080.