കണ്ണൂർ:ഡ്രൈവറെ മർദിച്ച സംഭവത്തിൽ പ്രതിഷേധിച്ച് കണ്ണൂർ-അഴീക്കൽ റൂട്ടിൽ ബസ്സുകൾ മിന്നൽ പണിമുടക്ക് നടത്തി.ഇന്നലെയാണ് പണിമുടക്കിനാധാരമായ സംഭവം നടന്നത്.കണ്ണൂർ-അഴീക്കൽ റൂട്ടിൽ സർവീസ് നടത്തുന്ന ലക്ഷ്മിഗോപാൽ എന്ന ബസ്സിന്‌ വായിപ്പറമ്പിൽ വെച്ച് ഒരു സ്ത്രീ കൈകാണിക്കുകയും എന്നാൽ ബസ് നിർത്താതെ പോവുകയും ചെയ്തു.ഇതിൽ പ്രതിഷേധിച്ച് ബസ് ഡ്രൈവർ അഖിലിനെ നാലുപേർ ചേർന്ന് മർദിക്കുകയായിരുന്നു.ഡ്രൈവറെ മർദിച്ചവരെ അറസ്റ്റ് ചെയ്യാത്ത നടപടിയിൽ പ്രതിഷേധിച്ചാണ് ഇന്ന് രാവിലെ മുതൽ ബസ് ജീവനക്കാർ മിന്നൽ പണിമുടക്ക് നടത്തിയത്. സംഭവത്തിൽ വായിപ്പറമ്പ് സ്വദേശികളായ ശ്രീകേഷ് , യദുൻ , കിരൺ പ്രകാശ് , അർജുൻ എന്നിവരെ വളപട്ടണം പോലീസ് അറസ്റ്റ് ചെയ്തതിനെ തുടർന്ന് ബസ്സുകൾ നടത്തിവന്ന പണിമുടക്ക് പിൻവലിച്ചു.