വയനാട്:വയനാട് വെള്ളമുണ്ടയിൽ മദ്യം കഴിച്ച രണ്ടു യുവാക്കൾ കുഴഞ്ഞുവീണു മരിച്ചു.വെള്ളമുണ്ട വാരാമ്പറ്റ കൊച്ചാറ കോളനിയിലെ പ്രമോദ്(32), ബന്ധുവായ പ്രസാദ്(36) എന്നിവരാണ് മരിച്ചത്. രാത്രി മദ്യം കഴിച്ചശേഷം ഇരുവരും കുഴഞ്ഞുവീഴുകയായിരുന്നു.ഇവർ കഴിച്ച മദ്യത്തിൽ വിഷാംശം ഉള്ളതായി സംശയിക്കുന്നുണ്ട്.ഇരുവരെയും മാനന്തവാടി ജില്ലാ ആശുപത്രിയിലെത്തിച്ചെങ്കിലും പ്രമോദ് യാത്രാമധ്യേയും പ്രസാദ് ആശുപത്രിയില്‍ വെച്ചും മരണപ്പെട്ടു.പ്രമോദിന്റെ പിതാവ് കഴിഞ്ഞ ദിവസം കുഴഞ്ഞുവീണ് മരിച്ചിരുന്നു. ഇതും മദ്യം കഴിച്ചതിനെ തുടര്‍ന്നാണെന്ന് സംശയം ഉയര്‍ന്നിട്ടുണ്ട്. മന്ത്രവാദ ക്രിയകള്‍ നടത്തി വരുന്ന ആളാണ് പ്രസാദിന്റെ പിതാവ് തിഗന്നായി. ഇന്നലെ രാവിലെ 11 മണിക്ക് പൂജക്ക് വന്ന യുവാവ് കൊടുത്ത മദ്യം കഴിച്ച തിഗന്നായി ഉടന്‍ കുഴഞ്ഞു വീഴുകയായിരുന്നു. ആശുപത്രിയിലെത്തിക്കുന്നതിന് മുന്‍പ് മരിക്കുകയായിരുന്നു.രാത്രി 10 മണിയോടൊയാണ് പ്രസാദ് ബാക്കിയുണ്ടായിരുന്ന മദ്യം സുഹൃത്തുമൊത്ത് കഴിച്ചത്. ഉടനെ കുഴഞ്ഞ് വീഴുകയായിരുന്നു. പൊലീസ് എത്തി നടപടികള്‍ സ്വീകരിച്ചു.