കണ്ണൂർ:44.6 പവൻ സ്വർണ്ണവുമായി രണ്ട് ഉത്തർപ്രദേശ് സ്വദേശികൾ തളിപ്പറമ്പിൽ പിടിയിലായി. ആഗ്ര സ്വദേശി വിശ്വംഭർ(33),മേദിനിപ്പൂരിലെ ശ്യാമൽദാൽ(31) എന്നിവരെയാണ് തളിപ്പറമ്പ് ദേശീയപാടത്തയിലെ ബദ്‌രിയ പ്ലാസ ഹോട്ടലിനു സമീപത്തു വെച്ച് പോലീസ് പിടികൂടിയത്. സംശയാസ്പദമായ സാഹചര്യത്തിൽ കണ്ട ഇർ പോലീസിനെ കണ്ട് സ്വർണ്ണം വലിച്ചെറിഞ്ഞ് രക്ഷപെടാൻ ശ്രമിച്ചെങ്കിലും ബലപ്രയോഗത്തിലൂടെ പോലീസ് ഇവരെ പിടികൂടുകയായിരുന്നു. 61.9 ഗ്രാം ബോംബെ ചെയിൻ,6.1 ഗ്രാം വീതമുള്ള മൂന്നു തങ്കക്കട്ടികൾ,രണ്ട് സ്വർണ്ണക്കട്ടികൾ എന്നിവയാണ് പോലീസ് ഇവരിൽ നിന്നും പിടികൂടിയത്.ചെറുവത്തൂരിലെ ഒരു ജ്വല്ലറിയിലേക്ക് കൊടുക്കാനുള്ള സ്വർണ്ണമാണിതെന്നാണ് ഇവർ പോലീസിനോട് പറഞ്ഞത്.തളിപ്പറമ്പിലേക്ക് കഞ്ചാവ് കടത്തുന്നത് ഇവരാണെന്ന സംശയത്തിൽ പോലീസ് കഴിഞ്ഞ കുറച്ചു ദിവസമായി ഇവരെ നിരീക്ഷിച്ചു വരികയായിരുന്നു.