തിരുവനന്തപുരം:കെഎസ്ആർടിസി റിസർവേഷൻ കൗണ്ടറുകളുടെ നടത്തിപ്പ് കുടുംബശ്രീക്ക് കൈമാറും.ഒക്ടോബർ മുതൽ കൗണ്ടറുകൾ കുടുംബശ്രീ ഏറ്റെടുക്കും.സ്ഥലം,വൈദ്യുതി എന്നിവ കെഎസ്ആർടിസി നൽകും.ഫർണിച്ചറുകൾ,കമ്പ്യൂട്ടർ,പ്രിൻറർ,നെറ്റ്‌വർക്ക് എന്നിവ കുടുംബശ്രീ സജ്ജീകരിക്കണം.സീറ്റ് റിസർവേഷൻ കൂപ്പണുകളുടെയും കൗണ്ടറുകളിലൂടെ വിൽക്കുന്ന ടിക്കറ്റുകളുടെയും നാലുശതമാനം വിഹിതം കുടുംബശ്രീക്ക് ലഭിക്കും.ഒൻപതു ഡിപ്പോയിലെ കൗണ്ടറുകൾ രാവിലെ ആറുമണി മുതൽ പത്തുമണിവരെയും പതിനൊന്നു ഡിപ്പോയിലെ കൗണ്ടറുകൾ രാവിലെ ഒൻപതുമണിമുതൽ അഞ്ചുമണിവരെയും മൂന്നു ഡിപ്പോകളിലെ കൗണ്ടറുകൾ ഇരുപത്തിനാലു മണിക്കൂറും പ്രവർത്തിക്കും. 69 കുടുംബശ്രീ പ്രവർത്തകർക്ക് ഇവിടെ ജോലി ലഭിക്കും.നിലവിൽ കൗണ്ടറുകളിലുള്ള കെഎസ്ആർടിസി ജീവനക്കാരെ മറ്റു വിഭാഗങ്ങളിൽ നിയോഗിക്കും.തിരുവനന്തപുരം സെൻട്രൽ,എറണാകുളം, വൈറ്റില,മൈസൂരു,ബെംഗളൂരു എന്നീ ഡിപ്പോകളിലെ കൗണ്ടറുകളും കൈമാറിയവയിൽ ഉൾപ്പെടുന്നു.