കണ്ണൂർ:കണ്ണൂർ വിമാനത്താവളത്തിൽ കാലാവസ്ഥ നിരീക്ഷണ ഉപകരണങ്ങൾ സ്ഥാപിക്കുന്നതിനുള്ള പ്രവൃത്തി ആരംഭിച്ചു.ഐഎംഡി ഉദ്യോഗസ്ഥരാണ് ഇതിനായി എത്തുന്നത്.അന്തരീക്ഷ ഊഷ്മാവ്,മഴ,ആർദ്രത എന്നിവ അളക്കുന്നതിനുള്ള ഉപകരണങ്ങളാണ് സ്ഥാപിക്കുക.ഇതിനു രണ്ടുദിവസമെടുക്കുമെന്ന് അധികൃതർ അറിയിച്ചു.ഉപകരണങ്ങൾ സ്ഥാപിച്ചതിനു ശേഷം ഇവയുടെ പ്രവർത്തനവും സംഘം വിലയിരുത്തും.വിമാനത്താവളത്തിന് ലൈസൻസ് ലഭിക്കുന്നതിനുള്ള അന്തിമ പരിശോധനയ്ക്കായി വിവിധ കേന്ദ്ര ഏജൻസികൾ അടുത്തയാഴ്ച കണ്ണൂരിലെത്തുന്നുണ്ട്.ലൈസൻസിനുള്ള നടപടിക്രമങ്ങൾ ഈ മാസം പകുതിയോടെ പൂർത്തിയാക്കും.നവംബർ ആദ്യത്തോടെ കണ്ണൂരിൽ നിന്നും വാണിജ്യാടിസ്ഥാനത്തിൽ സർവീസ് തുടങ്ങാനാണ് ലക്ഷ്യമിടുന്നതെന്നും വ്യോമയാന സെക്രെട്ടറി അറിയിച്ചു. വിമാനത്താവളത്തിലെ ഐഎൽഎസ് സംവിധാനത്തിന്റെ കാലിബ്രേഷൻ പരിശോധന കഴിഞ്ഞ ദിവസം വിജയകരമായി പൂർത്തിയാക്കിയിരുന്നു.