തൃശൂർ:ദുരിതാശ്വാസ ക്യാമ്പിൽ നിന്നും ഭക്ഷ്യവസ്തുക്കൾ സഹകരണ സംഘങ്ങളിലേക്ക് കടത്താൻ ശ്രമിച്ചതായി പരാതി.തൃശ്ശൂര്‍ കേച്ചേരിയിലാണ് സംഭവം.കോണ്‍ഗ്രസ് ഭരിക്കുന്ന സഹകരണസംഘത്തിലേക്ക് സാധനങ്ങള്‍ കടത്താന്‍ ശ്രമിച്ചതായാണ് നാട്ടുകാര്‍ ആരോപണം ഉന്നയിച്ചിരിക്കുന്നത്. ഇന്നലെ വൈകുന്നേരമാണ് തമിഴ്നാട്ടില്‍ നിന്നും ആറുലോഡ് സാധനങ്ങളുമായി വണ്ടികള്‍ എത്തിയത്.പച്ചക്കറികളും പഴങ്ങളും ഉള്‍പ്പെടെ വീട്ടുസാധനങ്ങളെല്ലാം ഇതിലുണ്ടായിരുന്നു. എന്നാല്‍ നാലു ലോഡുകള്‍ മാത്രമാണ് കളക്ടറേറ്റില്‍ എത്തിയത്. മറ്റ് രണ്ട് ലോഡുകള്‍ നടത്തറയിലെ പഴം പച്ചക്കറി മാര്‍ക്കറ്റിലേക്ക് കൊണ്ടുപോയി എന്നാണ് നാട്ടുകാരുടെ പരാതി. ഇതിന്റെ അടിസ്ഥാനത്തില്‍ ഒല്ലൂര്‍ സിഐ എത്തി പരിശോധിക്കുകയും സാധനങ്ങള്‍ സീല്‍ ചെയ്ത് കസ്റ്റഡിയിലെടുക്കുകയും ചെയ്തു. പൊലീസ് കേസെടുത്ത് അന്വേഷണം ആരംഭിച്ചു.