ട്രെന്റ്ബ്രിഡ്ജ്: ഇംഗ്ലണ്ടിനെതിരായ മൂന്നാം ടെസ്റ്റ് മത്സരത്തിലെ വിജയം പ്രളയക്കെടുതിയില്‍ വലയുന്ന കേരളത്തിനു സമര്‍പ്പിച്ച്‌ ഇന്ത്യന്‍ നായകന്‍ വിരാട് കോഹ്‌ലി.’കേരളത്തിലെ കാര്യങ്ങള്‍ കഷ്ടമാണ്. ക്രിക്കറ്റ് ടീമെന്ന നിലയ്ക്കു ഞങ്ങള്‍ക്കു ചെയ്യാന്‍ സാധിക്കുന്ന ചെറിയ കാര്യമാണിത്’ കോഹ്‌ലി പറഞ്ഞു. നിറഞ്ഞ കയ്യടിയോടെയാണ് ഗാലറി വിരാട് കോഹ്‌ലിയുടെ പ്രസ്താവനയെ സ്വീകരിച്ചത്. നേരത്തെ തന്നെ കേരളത്തെ എല്ലാവരും സഹായിക്കണമെന്ന് അഭ്യര്‍ത്ഥിച്ച്‌ സച്ചിന്‍ ടെണ്ടുൽക്കർ,യുവ്‌രാജ് സിങ്, ഹാര്‍ദ്ദിക് പാണ്ഡ്യ, കേരള പരിശീലകന്‍ ഡവ് വാട്‌മോര്‍ ഉള്‍പ്പടെ നിരവധി താരങ്ങള്‍ രംഗത്ത് വന്നിരുന്നു.ഇന്നത്തെ മത്സരം വിജിച്ചതിലെ മാച്ച്‌ ഫീസായ രണ്ട് കോടി രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറുമെന്നും ബിസിസിഐ അറിയിച്ചു.ഇംഗ്ലണ്ടിൽ ഇന്ത്യ 80 വര്‍ഷത്തെ ചരിത്രത്തില്‍ നേടുന്ന വെറും ഏഴാമത്തെ വിജയം സ്‌പെഷ്യല്‍ ആയിരിക്കുമല്ലോ എന്ന് സമ്മാനദാനചടങ്ങില്‍ മുന്‍ ഇംഗ്ലണ്ട താരം മൈക്കിള്‍ ആതര്‍ട്ടണ്‍ ചോദിച്ചപ്പോഴാണ് നാട്ടില്‍ കേരളത്തിലെ സ്ഥിതിയെക്കുറിച്ച്‌ കോലി പറഞ്ഞത്.