മലപ്പുറം:മലപ്പുറം പെരിങ്ങാവിൽ വീടിനു മുകളിൽ മണ്ണിടിഞ്ഞു വീണ് ഏഴുപേർ മരിച്ചു.ഒരാളെ കാണാതായി.ഇന്ന് ഉച്ചയ്ക്ക് ഒരുമണിയോട് കൂടിയാണ് ഇരുനില വീടിനു മുകളിലേക്ക് മണ്ണിടിഞ്ഞ് വീണത്.വീടിനു സമീപം മണ്ണിടിഞ്ഞതിനെ തുടർന്ന് കോഴിക്കൂട് മാറ്റാനായി എത്തിയവരാണ് അപകടത്തിൽപ്പെട്ടത്.കോഴിക്കൂട് മാറ്റുന്നതിനിടെ കൂടുതൽ മണ്ണ് ഇവരുടെ ദേഹത്തേക്ക് ഇടിഞ്ഞുവീഴുകയായിരുന്നു.ദുരന്ത നിവാരണ സേനയും നാട്ടുകാരും അഗ്നിശമന സേനയും ചേർന്ന് രക്ഷാപ്രവർത്തനം നടത്തി.കാണാതായ ആൾക്കായി മണ്ണുമാന്തിയന്ത്രം ഉപയോഗിച്ച് തിരച്ചിൽ നടത്തുകയാണ്.ഇന്ന് പുലർച്ചെ കൊണ്ടോട്ടിയിലെ വീടിനു മുകളിലേക്ക് മണ്ണിടിഞ്ഞ് വീണ് ഒരുകുടുംബത്തിലെ മൂന്നുപേർ മരിച്ചിരുന്നു.