ചെന്നൈ:വാർധ്യക്യ സഹജമായ അസുഖങ്ങളെ തുടർന്ന് ചെന്നൈ കാവേരി ആശുപത്രിയിൽ പ്രവേശിപ്പിച്ചിരിക്കുന്ന തമിഴ്‌നാട് മുന്‍ മുഖ്യമന്ത്രിയും ഡി.എം.കെ നേതാവുമായ കരുണാനിധിയുടെ ആരോഗ്യനിലയിൽ പുരോഗതി.എം.കരുണാനിധി രണ്ട് മൂന്ന് ദിവസത്തിനുള്ളില്‍ ആശുപത്രി വിടുമെന്ന് ഡി.എം.കെ അറിയിച്ചു. പാര്‍ട്ടിയുടെ പ്രിന്‍സിപ്പല്‍ സെക്രട്ടറി ദുരൈ മുരുകനാണ് ഇക്കാര്യം അറിയിച്ചത്.നമ്മള്‍ പറയുന്നത് അദ്ദേഹത്തിന് മനസിലാക്കാന്‍ സാധിക്കുന്നുണ്ടെന്നും അപകടനില തരണം ചെയ്‌ത അദ്ദേഹത്തിന്റെ ആരോഗ്യം മെച്ചപ്പെട്ടുവരികയാണെന്നും ദുരൈ മുരുകന്‍ കൂട്ടിച്ചേര്‍ത്തു.വാര്‍ദ്ധക്യ സഹജമായ അസുഖങ്ങള്‍ മൂലം രക്ത സമ്മര്‍ദ്ദത്തിലുണ്ടായ വ്യതിയാനത്തെ തുടര്‍ന്ന് ജൂലായ് 28 നായിരുന്നു കരുണാനിധിയെ ആശുപത്രിയില്‍ പ്രവേശിപ്പിച്ചത്. ശ്വാസതടസം കൂടി അനുഭവപ്പെട്ടതോടെ അരോഗ്യനില കൂടുതല്‍ മോശമാവുകയായിരുന്നു.