തളിപ്പറമ്പ്:പീഡനക്കേസിൽ മദ്രസ അധ്യാപകൻ അറസ്റ്റിൽ.മാണിയൂര്‍ ചെക്കിക്കുളം ‘സാജിദാ’സില്‍ പി.പി.ഹര്‍ഷാദിനെ(33) ആണ് പോലീസ് അറസ്റ്റ് ചെയ്തത്.പതിമൂന്ന് വയസ്സ് പ്രായമുള്ള നാലു വിദ്യാര്‍ത്ഥിനികളാണ് മദ്രസയില്‍ പീഡനത്തിനിരയായത്. ഇയാളുടെ പേരില്‍ പൊലീസ് നാല് കേസുകളെടുത്തു. വിദ്യാര്‍ത്ഥിനികളില്‍നിന്ന് ചൈല്‍ഡ്ലൈന്‍ അധികൃതര്‍ക്ക് ലഭിച്ച പരാതിയെത്തുടര്‍ന്നാണ് സംഭവം പുറത്തറിഞ്ഞത്.സ്‌കൂളില്‍വെച്ചുള്ള സംഭാഷണത്തില്‍ പെണ്‍കുട്ടികള്‍ ഇക്കാര്യം സഹപാഠികളോട് പങ്കുവെക്കുകയായിരുന്നു.ചൈല്‍ഡ് ലൈന്‍ അധികൃതരുടെ പരാതിയിലാണ് കേസ്. വിദ്യാര്‍ത്ഥിനികളില്‍നിന്നു പൊലീസ് ബുധനാഴ്ച മൊഴിയെടുത്തിരുന്നു. തുടര്‍ന്ന് പ്രതിയെ അറസ്റ്റുചെയ്തു. പോക്സോ നിയമ പ്രകാരമാണ് അറസ്റ്റ്. ഇവര്‍ പഠിക്കുന്ന സ്‌കൂളിലെ പ്രധാനാധ്യാപികയുടെ സാന്നിധ്യത്തില്‍ കുട്ടികളുടെ മൊഴിയെടുത്ത ചൈല്‍ഡ് ലൈന്‍ അധികൃതര്‍, തളിപ്പറമ്പ് പൊലീസില്‍ പരാതി നല്‍കുകയായിരുന്നു. തുടര്‍ന്നാണ് ഹര്‍ഷാദിനെ അറസ്റ്റ് ചെയ്തത്.