ഇടുക്കി:ഇടുക്കി വണ്ണപ്പുറം കമ്പക്കാനത്ത് ഒരു വീട്ടിലെ നാലുപേരെ ദുരൂഹ സാഹചര്യത്തിൽ കാണാതായി.കാനാട്ട് കൃഷ്ണന്‍(54), ഭാര്യ സുശീല(50), മക്കള്‍ ആശ(21), അര്‍ജുന്‍(17) എന്നിവരെയാണ് കഴിഞ്ഞ നാല് ദിവസമായി കാണാതായത്.നാട്ടുകാർ അറിയിച്ചതിനെ തുടർന്ന് കാളിയാര്‍ പൊലീസെത്തി വീട് തുറന്നു പരിശോധിച്ചപ്പോൾ വീടിനുള്ളിലും ഭിത്തിയിലും രക്തക്കറ കണ്ടെത്തുകയും ചെയ്തിട്ടുണ്ട്. ഇത്കൂടാതെ വീടിനടുത്ത് സംശയകരമായി രീതിൽ മൂടിയ നിലയിൽ കുഴിയും കണ്ടെത്തി.വന്‍ പൊലീസ് സംഘം സ്ഥലത്തെത്തിയിട്ടുണ്ട്. ആടിന്‍കൂടിന് സമീപത്തായി കാണപ്പെട്ട കുഴി ആർ ഡി ഓ യുടെ നേതൃത്വത്തിൽ തുറന്ന് പരിശോധിക്കാൻ ഒരുങ്ങുകയാണ്.