വൈക്കം:മാതൃഭൂമി ന്യൂസ് സംഘം സഞ്ചരിച്ച തോണി മറിഞ്ഞ് കാണാതായ രണ്ടാമത്തെയാളുടെ മൃതദേഹവും കണ്ടെത്തി.തിങ്കളാഴ്ച ഉച്ചയ്ക്ക് ഒരു മണിയോടുകൂടിയാണ് വെള്ളപ്പൊക്ക ദുരന്തം റിപ്പോർട്ട് ചെയ്യുന്നതിനായി പോയ മാതൃഭൂമി ന്യൂസ് സംഘം സഞ്ചരിച്ച വള്ളം അപകടത്തിൽപ്പെട്ടത്. മാതൃഭൂമി ചാനലിന്റെ പ്രാദേശിക ലേഖകൻ കടത്തുരുത്തി പൂഴിക്കോൽ പട്ടശ്ശേരിൽ കെ.കെ സജി(46),ചാനൽ സംഘം സഞ്ചരിച്ച വാഹനത്തിന്റെ ഡ്രൈവർ ബിബിൻ ബാബു(27) എന്നിവരുടെ മൃതദേഹങ്ങളാണ് കണ്ടെടുത്ത്.സജിയുടെ മൃതദേഹം ഇന്നലെ രാവിലെ ഒന്പതരയോട് കൂടി കണ്ടെടുത്തിരുന്നു.രാത്രി ഏഴുമണിയോട് കൂടി ബിബിന്റെ മൃതദേഹവും അഗ്നിരക്ഷാ സേന കണ്ടെടുത്തു.