കാസർകോഡ്:കാസർകോഡ് ഉപ്പളയിൽ ഇന്ന് രാവിലെ ഉണ്ടായ ശക്തമായ കാറ്റിൽ ഉപ്പള റെയിൽവേ സ്റ്റേഷന് സമീപം വൈദ്യുത ലൈനിലേക്ക് മരം വീണു.കണ്ണൂർ, മംഗലാപുരം ഭാഗങ്ങളിലേക്ക് ദിവസേന നൂറുകണക്കിന് വിദ്യാർത്ഥികളും യാത്രക്കാരും യാത്ര ചെയ്യുന്ന റെയിൽവേ സ്റ്റേഷൻ റോഡിലെ അപകടം ജനങ്ങളിൽ ആശങ്ക സൃഷ്ട്ടിച്ചു.ഉപ്പള ഫയർ സർവീസ് സ്ഥലത്തെത്തി മരം മുറിച്ചു നീക്കി.ഞായറാഴ്ച രാത്രിയിലും തിങ്കളാഴ്ച പുലർച്ചെയുണ്ടായ ശക്തമായ കാറ്റിലും മഴയിലും ഉപ്പളയിൽ പതിനഞ്ചോളം വൈദ്യുത പോസ്റ്റുകളും രണ്ടു ട്രാൻസ്ഫോർമറുകളുമാണ് തകർന്നത്.പോസ്റ്റുകൾ തകർന്നതോടെ ഉപ്പള വൈദ്യുത സെക്ഷനിലെ മൂന്നോളം ട്രാൻസ്ഫോർമറിൽ നിന്നുള്ള വൈദ്യുതബന്ധം വിച്ഛേദിച്ചതായും തിങ്കളാഴ്ച വൈകുന്നേരത്തോടെ മാത്രമേ വൈദ്യുത ബന്ധം പുനഃസ്ഥാപിക്കുകയുള്ളൂ എന്നും അസിസ്റ്റന്റ് എൻജിനീയർ അബ്ദുൽ ഖാദർ പറഞ്ഞു.