കോഴിക്കോട്:കോഴിക്കോടിനേയും മലപ്പുറത്തെയും നിപ്പരഹിത ജില്ലകളായി പ്രഖ്യാപിച്ചു. കോഴിക്കോട് നളന്ദ ഓഡിറ്റോറിയത്തില് നടന്ന ചടങ്ങിൽ ആരോഗ്യമന്ത്രി കെ.കെ.ഷൈലജയാണ് പ്രഖ്യാപനം നടത്തിയത്.നിപ്പാ രോഗികളെ ചികിത്സിച്ചവര്ക്കുള്ള ആദരവും ചടങ്ങില് വിതരണം ചെയ്തു. നിപ്പാ രോഗിയെ ചികിത്സിക്കുന്നതിനിടെ മരിച്ച പേരാമ്ബ്ര താലൂക്ക് ആശുപത്രിയിലെ നഴ്സ് ലിനിക്കുള്ള ആദരം ഭര്ത്താവ് സജീഷ് ഏറ്റുവാങ്ങി.രോഗ പ്രതിരോധ പ്രവര്ത്തനങ്ങള്ക്കായി ക്യാംപ് ചെയ്ത് മുഴുവന് സമയവും തങ്ങളുടെ സേവനം നല്കിയ ഡോക്ടര്മാരെയും മറ്റ് പ്രവര്ത്തകരെയും മന്ത്രി അഭിനന്ദിച്ചു. മന്ത്രിമാരായ ടിപി രാമകൃഷ്ണന്, എകെ ശശീന്ദ്രന്, ആരോഗ്യ രംഗത്തെ വിദഗ്ധര്, ജനപ്രതിനിധികള് തുടങ്ങിയവരും പരിപാടിയില് പങ്കെടുത്തിരുന്നു.