ന്യൂഡല്‍ഹി: രാജ്യത്തെ എയര്‍കണ്ടീഷണറുകളുടെ താപനില 24 ഡിഗ്രി സെല്‍ഷ്യസാക്കി നിജപ്പെടുത്താന്‍ കേന്ദ്ര സര്‍ക്കാര്‍ ഒരുങ്ങുന്നു. ഏതാനും മാസങ്ങള്‍ക്കുള്ളില്‍ ഡിഫാള്‍ട്ട് സെറ്റിങ്ങ് 24 ഡിഗ്രി സെല്‍ഷ്യസാക്കുന്നത് പരിഗണിക്കുമെന്ന് ഊര്‍ജ മന്ത്രി ആര്‍കെ സിങ് വെള്ളിയാഴ്ച പ്രഖ്യാപിച്ചു. എസി ഉപയോഗിക്കുന്നത് കൊണ്ടുള്ള ഊര്‍ജ്ജത്തിന്‍റെ അളവ് കുറയ്ക്കാനാണ് ഈ പദ്ധതി കൊണ്ടുവരുന്നത്.പുതിയ നിബന്ധന നടപ്പിലായാൽ പരിസ്ഥിതിക്ക് ദോഷമായ ഹരിതഗൃഹ വാതകം പുറന്തള്ളപ്പെടുന്നത് കുറയ്ക്കാൻ സാധിക്കും.ഇപ്പോൾ പലയിടത്തും എ സികൾ പ്രവർത്തിക്കുന്നത് 18 മുതൽ 21 ഡിഗ്രി സെൽഷ്യസിലാണ്. ഇത് മനുഷ്യന്റെ ആരോഗ്യത്തെ നശിപ്പിക്കുന്നതിന് കാരണമാകും.പൊതുജനങ്ങളിൽ അഭിപ്രായ സർവ്വേ നടത്തിയതിനു ശേഷം നിബന്ധന പ്രവർത്തികമാക്കാനാണ് തീരുമാനം.