കോട്ടയം:ഓടിക്കൊണ്ടിരുന്ന സ്കൂൾ വാനിൽ നിന്നും തെറിച്ച് വീണ് രണ്ടു വിദ്യാർത്ഥികൾക്ക് പരിക്ക്.വാനിന്റെ പിൻവാതിൽ തുറന്ന് കുട്ടികൾ പുറത്തേക്ക് തെറിച്ചു വീഴുകയായിരുന്നു. നാലാം ക്ലാസ് വിദ്യാര്‍ത്ഥിനി ജോബിറ്റ, ആറാം ക്ലാസുകാരി ആവണി എന്നിവര്‍ക്കാണ് പരിക്കേറ്റത്. ഇരുവരെയും കാഞ്ഞിരപ്പള്ളി ജനറല്‍ ആശുപത്രിയില്‍ പ്രവേശിപ്പിച്ചു.കുട്ടികളുടെ പരിക്ക് ഗുരുതരമല്ലെന്ന് ആശുപത്രി അധികൃതര്‍ അറിയിച്ചു. വാനിനു തൊട്ടുപിന്നാലെ മറ്റ് വാഹനങ്ങളൊന്നും എത്താതിരുന്നത് വന്‍ അപകടം ഒഴിവാക്കി.