തലശ്ശേരി:നിപ വൈറസ് ബാധയുടെ പശ്ചാത്തലത്തിൽ സ്കൂൾ തുറക്കൽ നീട്ടിവെച്ച തലശ്ശേരി വിദ്യാഭ്യാസ ജില്ലയിലെ സ്കൂളുകൾ ഇന്ന് തുറക്കും.നിപ ബാധയെ തുടർന്ന് കോഴിക്കോട് ജില്ലയിലെ സ്കൂളുകൾക്കൊപ്പം സമീപ പ്രദേശമായ തലശ്ശേരി വിദ്യാഭ്യാസ ജില്ലയിലെ സ്കൂളുകൾക്കും അവധി നൽകുകയായിരുന്നു. പ്രവേശനോത്സവം വലിയമടാവിൽ ഗവ.സീനിയർ ബേസിക്ക് സ്കൂളിൽ രാവിലെ ഒൻപതരയ്ക്ക് തലശ്ശേരി നഗരസഭാ ചെയർമാൻ സി.കെ രമേശൻ ഉൽഘാടനം ചെയ്യും.