തൃശൂർ:നടി മഞ്ജു വാര്യരുടെ പിതാവ് മാധവ വാര്യർ(70) അന്തരിച്ചു.തൃശൂർ ആലപ്പാട് പുള്ളിലുള്ള വീട്ടിലായിരുന്നു അന്ത്യം.അര്‍ബുദ രോഗത്തെ തുടര്‍ന്ന് ഏറെ നാളായി ചികിത്സയിലായിരുന്നു.തിരുവുള്ളക്കാവ് ക്ഷേത്രത്തിലെ എഴുത്തിനിരുത്തല്‍ ആചാര്യനായിരുന്നു മാധവ വാര്യര്‍. ഗിരിജ വാര്യരാണ് ഭാര്യ.നടൻ മധു വാര്യർ മകനാണ്.ഇതിനിടെ മഞ്ജുവാര്യരുടെ പിതാവ് മാധവന്‍ വാര്യര്‍ക്ക് ആദരാഞ്ജലി അര്‍പ്പിക്കാന്‍ ദീലീപ് എത്തി. മകള്‍ മീനാക്ഷിക്കൊപ്പമാണ് ദിലീപ് എത്തിയത്. തൃശൂരിലെ വീട്ടിലെത്തിയ ദിലീപും മീനാക്ഷിയും അവിടെ ഒരുമണിക്കൂറോളം ചെലവിട്ടു. മഞ്ജു വാര്യരുടെ സഹോദരന്‍ മധു വര്യരെയും മറ്റ് കുടുംബാംഗങ്ങളെയും ആശ്വസിപ്പിച്ച ശേഷമാണ് ഇരുവരും മടങ്ങിയത്. സംവിധായകന്‍ സത്യന്‍ അന്തിക്കാട്, മന്ത്രിമാരായ എസി മൊയ്തീന്‍, വിഎസ് സുനില്‍കുമാര്‍, തുടങ്ങി നിരവധി പ്രമുഖരാണ് അന്ത്യജ്ഞലി അര്‍പ്പിക്കാന്‍ വീട്ടിലെത്തിയത്.അച്ഛന്‍ മാധവന്‍ വാര്യര്‍ മരണത്തിന് കീഴടങ്ങിയപ്പോള്‍ മഞ്ജുവിന് നഷ്ടമായത് ജീവിതത്തിലെ എല്ലാ പ്രതിസന്ധികളിലും താങ്ങും തണലുമായി നിന്ന അടുത്ത സുഹൃത്തിനെ കൂടിയാണ്. അച്ഛന്റെ വിയര്‍പ്പുതുള്ളികള്‍ കൊണ്ട് കൊരുത്തതാണ് തന്റെ ചിലങ്കയെന്ന് മഞ്ജു നിരവധി അഭിമുഖങ്ങളിലും വ്യക്തമാക്കിയിരുന്നു.