കോഴിക്കോട്:കേരളത്തിൽ കണ്ടെത്തിയ നിപ്പ വൈറസ് ബംഗ്ലാദേശ് സ്‌ട്രെയിൻ ആണെന്ന് സ്ഥിതീകരണം പൂനെയിലെ നാഷണൽ ഇൻസ്റ്റിറ്റ്യൂട്ട് ഓഫ് വൈറോളജിയിൽ നടത്തിയ പരിശോധനയിലാണ് ഇത് വ്യക്തമായത്.നിപ വൈറസ് ബാധിച്ച രോഗിയുടെ തൊണ്ടയിൽ നിന്നും എടുത്ത സ്രവത്തിന്റെ പരിശോധനയിലൂടെയാണ് ഇത്തരത്തിലൊരു നിഗമനത്തിലെത്തിയത്. സയന്റിഫിക് റിപ്പോർട്ട് ജേർണൽ പ്രസിദ്ധീകരിച്ച പഠന റിപ്പോർട്ട് അനുസരിച്ച് രണ്ടുതരത്തിലുള്ള സ്ട്രെയിനുകളാണ് ഇതുവരെ കണ്ടെത്തിയിട്ടുള്ളത്,മലേഷ്യൻ സ്ട്രെയിനും (NiVm),ബംഗ്ലാദേശ് സ്ട്രെയിനും(NiVb). ഇതിൽ ബംഗ്ലാദേശ് സ്ട്രെയിനാണ് കേരളത്തിൽ പടർന്നത്.പഴം തീനി വവ്വാലുകളാണ് ഈ വൈറസിന്റെ റിസർവോയർ ഹോസ്റ്റ്. കേരളത്തിൽ ഈ വൈറസിന്റെ ഉറവിടം കണ്ടെത്തുന്നതിനായി പരിശോധനകൾ നടന്നു വരികയാണ്.കൂടുതൽ ഫലം വരും ദിവസങ്ങളിൽ ലഭ്യമാകും.