തിരുവനന്തപുരം:ചരിത്രം കുറിച്ച് സംസ്ഥാനത്ത് പെട്രോൾ വില എൺപതു രൂപ കടന്നു.80.1 രൂപയാണ് ഇന്ന് തിരുവനന്തപുരത്തെ പെട്രോൾ വില.ഡീസലിന് 73.6 രൂപയും.കർണാടക നിയമസഭാ തെരഞ്ഞെടുപ്പിനു ശേഷം ആറ് ദിവസം കൊണ്ട് പെട്രോളിന് 1.40 രൂപയും ഡീസലിന് 1.56 രൂപയുമാണ് വർധിച്ചത്.അതേസമയം പെട്രോൾവില ലിറ്ററിനു നാലു രൂപകൂടി ഈ ദിവസങ്ങളിൽ വർധിച്ചേക്കുമെന്നും റിപ്പോർട്ടുകളുണ്ട്. പെട്രോൾ, ഡീസൽ എന്നിവയുടെ രാജ്യാന്ത രവിലയും ഡോളർ നിരക്കും കമ്പനികൾക്കുള്ള ശരാശരി ലാഭവും കണക്കാക്കിയാണ് ഈ നിഗമനം.കൊച്ചിയിൽ പെട്രോൾ വില ലിറ്ററിന് 78.72 രൂപയും ഡീസൽ വില 71.85 രൂപയുമാണ്.78.97 രൂപയാണ് കോഴിക്കോട്ടെ പെട്രോൾ വില.ഡീസലിന് 72.12 രൂപയും.