തിരുവനന്തപുരം:സംസ്ഥാനത്ത് അക്ഷയ കേന്ദ്രങ്ങളിൽ ഇനി മുതൽ സർക്കാർ നിരക്ക്.അക്ഷയ കേന്ദ്രങ്ങൾ അധിക നിരക്കുകൾ ഈടാക്കുന്നുവെന്ന പരാതി ഉയർന്ന സാഹചര്യത്തിലാണ് നടപടി.ആധാർ എൻറോൾമെൻറ് പോലുള്ള സൗജന്യ സേവനങ്ങൾക്ക് അക്ഷയ കേന്ദ്രങ്ങൾ പണം ഈടാക്കുന്നുവെന്നും പരാതി ഉയർന്നിരുന്നു.നിലവിൽ സർക്കാർ നിരക്ക് നിശ്ചയിച്ച 26 സേവനങ്ങൾ ഉൾപ്പെടെ മുപ്പത്തഞ്ചോളം സേവനങ്ങൾ അക്ഷയ കേന്ദ്രങ്ങൾ വഴി നൽകുന്നുണ്ട്. സേവനങ്ങൾക്ക് അധിക ചാർജ് ഈടാക്കുന്നുവെന്ന പരാതിയുടെ പശ്ചാത്തലത്തിൽ പല കേന്ദ്രങ്ങളിലും അധികൃതർ പരിശോധിച്ച് നടപടി സ്വീകരിച്ചിരുന്നു. അക്ഷയ കേന്ദ്രങ്ങൾക്ക് മുൻപിൽ സേവനങ്ങൾക്ക് ഈടാക്കുന്ന തുക എത്രയാണെന്ന് പ്രദർശിപ്പിക്കണം.നിർദേശങ്ങൾ പാലിക്കാത്ത കേന്ദ്രങ്ങൾക്കെതിരെ നടപടി സ്വീകരിക്കുമെന്നും അധികൃതർ അറിയിച്ചു. ഡയറക്റ്ററുടെ ശുപാർശയുടെ അടിസ്ഥാനത്തിലാണ് സർക്കാർ നിരക്ക് നിശ്ചയിച്ച് ഉത്തരവിറക്കിയത്.