മാഹി:മാഹി പള്ളൂരിൽ സിപിഎം നേതാവ് ബാബുവിനെ വെട്ടിക്കൊലപ്പെടുത്തിയ കേസില്‍ ബിജെപി പുതുച്ചേരി സംസ്ഥാന സമിതി അംഗം പോലീസ് കസ്റ്റഡിയില്‍. ആര്‍എസ്‌എസ് നേതാവും ബിജെപി പുതുച്ചേരി സംസ്ഥാന കമ്മറ്റി അംഗവുമായ വിജയന്‍ പൂവച്ചേരിയാണ് പിടിയിലായത്.പുതുച്ചേരി സീനിയര്‍ പോലീസ് സൂപ്രണ്ട് അപൂര്‍വ ഗുപ്തയുടെ നേതൃത്വത്തിലുള്ള സംഘമാണ് ഇയാളെ കസ്റ്റഡിയില്‍ എടുത്തത്. അപൂര്‍വ ഗുപ്തയുടെ നേതൃത്വത്തില്‍ വിവിധ സ്‌ക്വാഡുകളായി തിരിഞ്ഞാണ് കേസിൽ അന്വേഷണം നടത്തുന്നത്. ഇക്കഴിഞ്ഞ തിങ്കളാഴ്ച രാത്രിയിലാണ് ബാബുവിനെ ആര്‍എസ്‌എസ് ബിജെപി സംഘം വെട്ടിക്കൊന്നത്.വീട്ടിലേക്ക് മടങ്ങുകയായിരുന്ന ബാബുവിനെ പതിയിരുന്ന് ആക്രമിക്കുകയായിരുന്നു. സിപിഎം പള്ളൂര്‍ ലോക്കല്‍ കമ്മറ്റി അംഗവും മുന്‍ കൗണ്‍സിലറുമായിരുന്നു ബാബു.