തലശ്ശേരി:പ്രമുഖ ഗായകനും മെലഡി മേക്കേഴ്‌സ് ഓർക്കസ്ട്ര സ്ഥാപകനുമായ ചാലിൽ ഈങ്ങയിൽ പീടികയിലെ ജോയ് പീറ്ററിനെ(55) ട്രെയിൻ തട്ടി മരിച്ച നിലയിൽ കണ്ടെത്തി.ഇന്നലെ രാത്രി എട്ടരമണിയോട് കൂടി പുന്നോൽ മാക്കൂട്ടം റെയിൽവേ ഗേറ്റിനു സമീപത്താണ് മൃതദേഹം കണ്ടെത്തിയത്.മൃതദേഹം മാഹി ഗവ.ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. വിദേശത്തും സ്വദേശത്തുമായി നൂറുകണക്കിന് വേദികളിൽ പരിപാടികൾ അവതരിപ്പിച്ചിട്ടുണ്ട്. ഭാര്യ റാണി ഗായികയാണ്.മക്കൾ:ജിതിൻ,റിതിൻ.ജിതിൻ പീറ്ററും ഗാനമേള വേദികളിലെ സ്ഥിരം സാന്നിധ്യമാണ്.