കണ്ണൂർ:മാഹിയിലും കണ്ണൂരിലുമായി നടന്ന കൊലപാതകങ്ങളിൽ ഗവർണ്ണർ സർക്കാരിനോട് വിശദീകരണം തേടി.കൊലപാതകങ്ങളും അക്രമങ്ങളും തടയാനായി സര്‍ക്കാര്‍ എന്ത് നടപടിയാണ് സ്വീകരിച്ചിരിക്കുന്നത് എന്ന്‌ വിശദീകരണം നല്‍കണം എന്നാണ് ഗവര്‍ണര്‍ ജസ്റ്റിസ് പി സദാശിവം മുഖ്യമന്ത്രിയുടെ ഓഫീസിനോട് ആവശ്യപ്പെട്ടിരിക്കുന്നത്.തുടരെ രാഷ്ട്രീയ കൊലപാതകങ്ങള്‍ ഉണ്ടാകുന്നതിലെ ആശങ്കയും ഗവര്‍ണര്‍ സര്‍ക്കാരിനെ അറിയിച്ചിട്ടുണ്ട്. അതേ സമയം കൊലപാതകങ്ങളില്‍ പുതുച്ചേരി പോലീസുമായി ചേര്‍ന്നുള്ള സംയുക്ത അന്വേഷണ സംഘം ഉണ്ടാവില്ലെന്ന് ഡി ജി പി ലോക്നാഥ് ബേഹ്‌റ വ്യക്തമാക്കി. സംഭവത്തില്‍ പുതുച്ചേരി പൊലീസുമായി സഹകരിച്ച്‌ കേരള പൊലീസിലെ പ്രത്യേക സംഘം അന്വേഷണം നടത്തും എന്നും ഡി ജി പി പറഞ്ഞു