കുവൈറ്റ് സിറ്റി:സ്വദേശിവൽക്കരണം ശക്തമാക്കുന്നതിന്റെ ഭാഗമായി കുവൈറ്റിൽ സർക്കാർ,പൊതുമേഖലാ സ്ഥാപനങ്ങളിൽ ജോലിചെയ്യുന്ന ആയിരം വിദേശികളെ ജൂലൈ ഒന്നിന് പിരിച്ചുവിടും.ഇത് സംബന്ധിച്ച് വിവിധ സർക്കാർ വകുപ്പുകളിൽ നിന്നും ലഭിച്ച പട്ടിക പാർലമെന്റ് സ്വദേശിവൽക്കരണ കമ്മിറ്റിക്ക് കൈമാറി.സർക്കാർ വകുപ്പുകളിൽ ജോലി ചെയ്യുന്ന വിദേശികളുടെ കുട്ടികളുടെ വിദ്യാഭ്യാസത്തിനായി 27 കോടി കുവൈറ്റ് ദിനാർ(ഏകദേശം 4700 കോടി രൂപ) നീക്കിവെയ്ക്കാനും തീരുമാനിച്ചു.സ്വദേശികൾക്ക് സ്വകാര്യ മേഖലയിൽ പര്യാപ്തമായ തൊഴിലവസരങ്ങൾ നൽകുന്നതിന് വേണ്ട പദ്ധതികൾ ആവിഷ്‌ക്കരിക്കാനും തുടങ്ങിയിട്ടുണ്ട്.സ്വകാര്യ മേഖലയിലും നടപടികൾ ശക്തമാക്കുന്നതോടെ അടുത്ത അഞ്ചുവർഷത്തിനുള്ളിൽ കുവൈറ്റിൽ സമ്പൂർണ്ണ സ്വദേശിവൽക്കരണം നടപ്പിലാകും.