പെരുമ്പടവ്:പെരുമ്പടവ് തലവിൽ റോഡിലെ വലിയ വളവിൽ പാചകവാതക സിലിണ്ടർ നിറച്ചുവന്ന ലോറി മറിഞ്ഞു.തിങ്കളാഴ്ച പുലർച്ചെ അഞ്ചുമണിയോട് കൂടിയാണ് അപകടം നടന്നത്.കോഴിക്കോട് ചേളാരിയിലെ ഇൻഡെയ്‌ൻ പ്ലാന്റിൽ നിന്നും പാചക വാതകവുമായി ചെറുപുഴ ഏജൻസിയുടെ തിമിരി കൂത്തമ്പലത്തെ സംഭരണ ശാലയിലേക്ക് വരികയായിരുന്ന ലോറിയാണ് നിയന്ത്രണവിട്ട് മറിഞ്ഞത്.ലോറിയിലിണ്ടായിരുന്ന സിലിണ്ടറുകൾ റോഡിലും പരിസരങ്ങളിലും ചിതറി വീണു.ഇതറിഞ്ഞ നാട്ടുകാർ പരിഭ്രാന്തിയിലായി.അപകടം നടന്ന റോഡിലെ വലിയ ഇറക്കവും ഒരുഭാഗത്തെ ചെരിവുമാണ് അപരിചിതരായ ഡ്രൈവർമാർക്ക് അപകടമുണ്ടാക്കുന്നത്.സ്ഥിരം അപകടമേഖലയായ ഇവിടെ മെക്കാഡം ടാറിങ്ങിനു ശേഷം നിരവധി അപകടങ്ങളാണ് നടന്നിട്ടുള്ളത്.