ഹൈദരാബാദ്:തെലങ്കാനയിൽ ട്രാക്റ്റർ കനാലിലേക്ക് മറിഞ്ഞ് ഒൻപതു സ്ത്രീകൾ മരിച്ചു. നളഗോണ്ട ജില്ലയിൽ ഇന്ന് രാവിലെയാണ് അപകടം നടന്നത്. നിരവധിപേർക്ക് പരിക്കേറ്റിട്ടുണ്ട്. ട്രാക്റ്ററിൽ മുപ്പത്തഞ്ചോളം യാത്രക്കാരാണ് ഉണ്ടായിരുന്നത്.പദ്മാതി തണ്ടയിൽ നിന്നും പുളിചേർളയിലേക്ക് പോവുകയായിരുന്ന കർഷക തൊഴിലാളികളാണ് അപകടത്തിൽപ്പെട്ടത്. നിയന്ത്രണം വിട്ട ട്രാക്റ്റർ കനാലിലേക്ക് മറിയുകയായിരുന്നു.ഡ്രൈവർ മൊബൈലിൽ സംസാരിച്ചു കൊണ്ടാണ് വണ്ടി ഓടിച്ചിരുന്നതെന്നാണ് പ്രാഥമിക അന്വേഷണത്തിൽ വ്യക്തമായതെന്ന് പോലീസ് പറഞ്ഞു.