മട്ടന്നൂര്‍: ഹോമിയോ മെഡിക്കല്‍ ഓഫീസര്‍ ഡോ. കെ.ടി. സുധീറിനെയും സുഹൃത്ത്‌ ശ്രീജിത്തിനെയും വെട്ടിക്കൊല്ലാന്‍ ശ്രമിച്ച കേസില്‍ പ്രതിയായ ആര്‍എഎസ്‌എസ് പ്രവർത്തകൻ അറസ്റ്റിലായി. കോളാരി കുംഭംമൂലയിലെ പി. ശ്രീനോജി(30)നെയാണു മട്ടന്നൂര്‍ പോലീസ്‌ അറസ്‌റ്റ്‌ ചെയ്‌തത്‌.ഇയാൾ ചൊവ്വാഴ്‌ച മട്ടന്നൂരിലെത്തിയപ്പോള്‍ പോലീസ്‌ പിന്തുടര്‍ന്നു പിടികൂടുകയായിരുന്നു.കഴിഞ്ഞ ക്രിസ്‌മസ്‌ ദിനത്തില്‍ രാത്രി അയ്യല്ലൂരില്‍ വച്ചാണു കാറിലെത്തിയ അക്രമിസംഘം ഡോ. സുധീറിനെയും ശ്രീജിത്തിനെയും വെട്ടിക്കൊല്ലാന്‍ ശ്രമിച്ചത്‌. ഇരുവര്‍ക്കും സാരമായി പരിക്കേറ്റിരുന്നു.കഴിഞ്ഞ മട്ടന്നൂര്‍ നഗരസഭാ തെരഞ്ഞെടുപ്പില്‍ പെരുവയല്‍ക്കരി വാര്‍ഡിലെ ബിജെപി സ്ഥാനാര്‍ഥിയായിരുന്നു ശ്രീനോജ്‌.