തലശ്ശേരി:മുഴപ്പിലങ്ങാട് ബീച്ചിൽ ടൂറിസ്റ്റ് പ്രൊട്ടക്ഷന്‍ ആന്‍ഡ് പോലീസ് അസിസ്റ്റന്‍സ് സെന്റര്‍ എന്ന പേരില്‍ പോലീസ് സഹായകേന്ദ്രം തുറന്നു.ബീച്ചിന്റെ തെക്കേയറ്റത്തെ പാര്‍ക്കിനടുത്തായാണ് പുതിയ കെട്ടിടം നിർമിച്ചിരിക്കുന്നത്.വിശാലമായ മൂന്നുമുറികളോടെയുള്ള കെട്ടിടം ടൂറിസം വകുപ്പിന്റെ സാമ്പത്തിക സഹായത്തോടെ 1,63,935 രൂപ ചെലവഴിച്ചാണ് നിര്‍മിച്ചത്. ജില്ലാ പോലീസ് മേധാവി ജി.ശിവവിക്രം കേന്ദ്രം ഉദ്ഘാടനം ചെയ്തു.പഞ്ചായത്ത് പ്രസിഡന്റ് എം.പി.ഹാബിസ്, ബ്ലോക്ക് പഞ്ചായത്തംഗം കെ.ഹമീദ്, പഞ്ചായത്തംഗങ്ങളായ പി.ഹമീദ്, ടി.വി.റോജ, സി.ശാന്ത, കെ.കാര്‍ത്ത്യായനി, ഡിവൈ.എസ്.പി. എം.പി.വിനോദ്, സിറ്റി സി.ഐ. കെ.വി.പ്രമോദന്‍, എടക്കാട് പ്രിന്‍സിപ്പല്‍ എസ്.ഐ. മഹേഷ് കണ്ടമ്പേത്ത്, എസ്.ഐ. സുജിത്ത് എന്നിവരും കടല്‍ ജാഗ്രതാസമിതി അംഗങ്ങളും ഉൽഘാടന ചടങ്ങിൽ പങ്കെടുത്തു.കല്‍സമയം പോലീസിന്റെ സേവനം കേന്ദ്രത്തില്‍ ലഭ്യമാവും.