കണ്ണൂർ:കീഴാറ്റൂരിൽ വയൽ നികത്തി ബൈപാസ് നിർമിക്കുന്നതിനെതിരെയുള്ള നാട്ടുകാരുടെ കൂട്ടായ്മയായ വയൽക്കിളികളുടെ സമരപന്തൽ കത്തിച്ച സംഭവത്തിൽ 12 സിപിഎം പ്രവർത്തകർക്കെതിരെ പോലീസ് കേസെടുത്തു.കഴിഞ്ഞ ദിവസമാണ് വയൽക്കിളി പ്രവർത്തകരുടെ സമരപ്പന്തൽ സിപിഎം പ്രവർത്തകർ കത്തിച്ചത്.തങ്ങൾ കൃഷി ചെയ്യുന്ന വയലാണെന്നും ഇത് നികത്തി ദേശീയപാത നിർമിക്കാൻ അനുവദിക്കില്ലെന്നും ചൂണ്ടിക്കാട്ടിയാണ് വയൽക്കിളി സമരം നടത്തിയത്.പ്രതിഷേധം ശക്തമായതോടെ പ്രവർത്തകരെ പോലീസ് അറസ്റ്റു ചെയ്തു നീക്കി.വയല്‍ക്കിളികളെ അറസ്റ്റ് ചെയ്തതോടെ പ്രദേശത്തു തമ്പടിച്ച സിപിഎം പ്രവര്‍ത്തകര്‍ വയലിലേക്കു കടന്നുകയറി വയല്‍ക്കിളികളുടെ സമരപ്പന്തല്‍ കത്തിച്ചു. അഗ്നിശമനസേന തീകെടുത്താന്‍ ശ്രമിച്ചുവെങ്കിലും പന്തല്‍ പൂര്‍ണമായും കത്തിയമര്‍ന്നു.