അഗർത്തല:ത്രിപുര മുഖ്യമന്ത്രിയായി ബിപ്ലബ് കുമാർ ദേബ് ഇന്ന് സത്യപ്രതിജ്ഞ ചെയ്ത് സ്ഥാനമേൽക്കും.ജിഷ്ണു ദേബ് ബർമ ഉപമുഖ്യമന്ത്രിയായും സത്യപ്രതിജ്ഞ ചെയ്യും. അഗർത്തലയിലെ ആസാം റൈഫിൾസ് ഗ്രൗണ്ടിൽ നടക്കുന്ന സത്യപ്രതിജ്ഞ ചടങ്ങിൽ പ്രധാനമന്ത്രി നരേന്ദ്ര മോഡി,ബിജെപി ദേശീയ അധ്യക്ഷൻ അമിത് ഷാ,വിവിധ സംസ്ഥാനങ്ങളിലെ ബിജെപി മുഖ്യമന്ത്രിമാർ തുടങ്ങിയവർ പങ്കെടുക്കും. ത്രിപുര മുൻ മുഖ്യമന്ത്രി മണിക് സർക്കാരും ചടങ്ങിൽ പങ്കെടുക്കും.എന്നാൽ തിരഞ്ഞെടുപ്പിന് ശേഷം ത്രിപുരയിൽ നടന്ന അക്രമ സംഭവങ്ങളിൽ പ്രതിഷേധിച്ച് ഇടതു മുന്നണിയിലെ മറ്റ് നേതാക്കൾ സത്യപ്രതിജ്ഞാ ചടങ്ങിൽ പങ്കെടുക്കില്ല. ബിജെപിയുടെ സഖ്യകക്ഷിയായ ഐപിഎഫ്റ്റിക്ക് മന്തിസഭയിൽ രണ്ട് അംഗങ്ങളുണ്ടാകും.ത്രിപുരയിൽ ബിജെപി നേടിയ ഉജ്വല വിജയത്തിന് ചുക്കാൻ പിടിച്ചവരിൽ പ്രമുഖനായിരുന്നു പാർട്ടി സംസ്ഥാന അധ്യക്ഷൻ കൂടിയായ ബിപ്ലബ് കുമാർ ദേബ്.