മുംബൈ:മഹാരാഷ്ട്രയിലെ പാൽഖറിൽ കെമിക്കൽ ഫാക്റ്ററിയിലുണ്ടായ പൊട്ടിത്തെറിയിൽ മൂന്നുപേർ മരിച്ചു.പതിനാലുപേർക്ക് പരിക്കേറ്റിട്ടുണ്ട്.ബോയിസാർ-താരപൂർ ഇൻഡസ്ട്രിയൽ എസ്റ്റേറ്റിലെ എംഐഡിസി കെമിക്കൽ ഫാക്റ്ററിയിലാണ് പൊട്ടിത്തെറി ഉണ്ടായത്.രാത്രി പതിനൊന്നുമണിയോടെ ഉഗ്ര ശബ്ദത്തിൽ സ്ഫോടനമുണ്ടാവുകയും ഫാക്റ്ററിക്ക് തീപിടിക്കുകയുമായിരുന്നുവെന്ന് പാൽഗർ പോലീസ് കൺട്രോൾ ഉദ്യോഗസ്ഥൻ പറഞ്ഞു. തീപിടുത്തത്തിന്റെ കാരണം വ്യക്തമായിട്ടില്ല.കമ്പനിയുടെ ബോയ്‌ലർ റൂമിലാണ് തീപിടുത്തമുണ്ടായത്.തീ അടുത്തുള്ള മറ്റു കമ്പനികളിലേക്കും പടർന്നതായാണ് സൂചന. അഗ്‌നിശമന സേനയും പോലീസും സ്ഥലത്തെത്തി തീയണയ്ക്കാനുള്ള ശ്രമം തുടരുകയാണ്.