അഗത്തി:ലക്ഷദ്വീപിനടുത്ത് ചരക്കുകപ്പലിന് തീപിടിച്ചു.തീപിടുത്തത്തിൽ ഒരാൾ മരിച്ചതായും നാലുപേരെ കാണാതായതായും റിപ്പോർട്ടുകളുണ്ട്.മാഴ്‌സക് ഹോന എന്ന കപ്പലിനാണ് തീപിടിച്ചത്.അപകട സമയത്ത് കപ്പലിൽ നിറയെ കണ്ടയ്നറുകളുണ്ടായിരുന്നു.തീച്ചൂടിൽ കണ്ടയ്നറുകൾ ഉരുകി തുടങ്ങി.കപ്പലിന്റെ മുൻഭാഗത്ത് തീ പടർന്നു പിടിക്കുകയായിരുന്നു. പ്രദേശത്താകമാനം പുക നിറഞ്ഞിരിക്കുന്നത് രക്ഷാപ്രവർത്തനത്തെ കാര്യമായി ബാധിച്ചിട്ടുണ്ട്. ഇന്ത്യൻ കോസ്റ്റ് ഗാർഡിന്റെ നേതൃത്വത്തിൽ തീയണയ്ക്കാനുള്ള ശ്രമം തുടരുകയാണ്.മാർച്ച് 7 ന് മുംബൈയിൽ നിന്നും 23 ജീവനക്കാരുമായി പുറപ്പെട്ട കപ്പലാണ് അപകടത്തിൽപ്പെട്ടത്. തിരുവനന്തപുരത്തു നിന്നും 90 നോട്ടിക്കൽ മൈൽ അകലെയാണ് കപ്പലുള്ളത്.