ഷില്ലോങ്:മേഘാലയ നിയമസഭാ തിരഞ്ഞെടുപ്പിൽ കോൺഗ്രസ് മുന്നേറുന്നു. കേവലഭൂരിപക്ഷത്തിന്റെ ലീഡ് മേഘാലയയിൽ കോൺഗ്രസ് നേടിക്കഴിഞ്ഞു. വോട്ടെണ്ണൽ പുരോഗമിക്കുമ്പോൾ കോൺഗ്രസ് 25 സീറ്റിൽ മുന്നിലാണ്.വൻ പ്രചാരണം കാഴ്ചവെച്ചിട്ടും ബിജെപിക്ക് അഞ്ചു സീറ്റിലാണ് ഇതുവരെ മുൻ‌തൂക്കം നേടാനായത്. പ്രതിപക്ഷമായ എൻപിപി 11 സീറ്റിൽ മുന്നിലുണ്ട്.വടക്ക് കിഴക്കന്‍ സംസ്ഥാനങ്ങളിലെ പാര്‍ട്ടികളെ ചേര്‍ത്ത് ബിജെപി രൂപവത്കരിച്ച നാഷണല്‍ ഡെമോക്രാറ്റിക് സഖ്യത്തിന്റെ ഭാഗമാണ് എന്‍പിപി.ആര്‍ക്കും കേവല ഭൂരിപക്ഷം കിട്ടാതെ വരുകയാണെങ്കില്‍ തിരഞ്ഞെടുപ്പിന് ശേഷം ബിജെപിയും എന്‍പിപിയും കൈകോര്‍ക്കാനാണ് സാധ്യത.