കണ്ണൂർ:എടയന്നൂരിലെ യൂത്ത് കോൺഗ്രസ് പ്രവർത്തകൻ ശുഹൈബ് കൊല്ലപ്പെട്ട കേസിൽ സിബിഐ അന്വേഷണം വേണമെന്ന് ആവശ്യപ്പെട്ട് കെ.സുധാകരൻ കളക്റ്ററേറ്റ് പടിക്കൽ നടത്തിവരുന്ന നിരാഹാര സമരം എട്ടാം ദിവസത്തിലേക്ക് കടന്നു.സുധാകരനു പിന്തുണയുമായി നിരവധി പ്രമുഖരാണ് സമരപ്പന്തലിൽ എത്തുന്നത്.ശുഹൈബ് വധം അന്വേഷിക്കുന്ന കേരള പോലീസിൽ വിശ്വാസമില്ലെന്നും സിബിഐ കേസ് അന്വേഷിക്കണം ആവശ്യപ്പെട്ട് സുധാകരൻ തിങ്കളാഴ്ചയാണ് സമരം ആരംഭിച്ചത്.സുധാകരന്‍ നടത്തുന്ന സമരം ശക്തമാക്കാനാണ് യുഡിഎഫ് നീക്കം. ഇന്ന് യുഡിഎഫിന്‍റെ നേതൃത്വത്തിൽ കണ്ണൂരിൽ ദേശീയപാത ഉപരോധിച്ച് സമരം നടത്തുമെന്നും റിപ്പോർട്ടുകളുണ്ട്.ശുഹൈബ് വധക്കേസ് സിബിഐ അന്വേഷിക്കണം എന്ന ആവശ്യം പ്രതിപക്ഷം ഇന്ന് സഭയിൽ ഉന്നയിച്ചു.പ്രതിപക്ഷ നേതാവ് രമേശ് ചെന്നിത്തലയാണ് ആവശ്യം ഉന്നയിച്ചത്.