കണ്ണൂർ:പാപ്പിനിശ്ശേരി അഞ്ചാംപീടികയിൽ ഉത്സവഘോഷയാത്രയ്ക്കിടെ ജനറേറ്ററിൽ നിന്നും ഷോക്കേറ്റ് യുവാവ് മരിച്ചു.കണ്ണപുരം ഇടക്കെപ്പുറം വെസ്റ്റിലെ ഇലക്‌ട്രീഷ്യനായ തുണ്ടിവളപ്പിൽ വീട്ടിൽ പരേതനായ ഗംഗാധരൻ-ജാനകി ദമ്പതികളുടെ മകൻ സന്ദീപാ(29)ണ് മരിച്ചത്. ഇന്നലെ പുലർച്ചെ ഒന്നരമണിയോടെ അഞ്ചാംപീടികയിൽ വച്ചായിരുന്നു അപകടം നടന്നത്.അഞ്ചാംപീടിക കൊപ്രത്ത്കാവ് കളിയാട്ട മഹോത്സവത്തോടനുബന്ധിച്ച് പാളിയത്ത് വളപ്പ് മുത്തപ്പൻ ക്ഷേത്രത്തിൽ നിന്നുള്ള കാഴ്ചവരവ് കോപ്രത്ത്ക്ഷേത്ര പരിസരത്ത് എത്തിയപ്പോൾ ജനറേറ്ററിൽ നിന്നും ഷോക്കേൽക്കുകയായിരുന്നു. ഉടൻ പരിയാരം മെഡിക്കൽ കോളജിലെത്തിച്ചെങ്കിലും ജീവൻ രക്ഷിക്കാനായില്ല.