കോഴിക്കോട്:കോഴിക്കോട് മുക്കത്ത് ലോറിയില്‍ കടത്തുകയായിരുന്ന 1000 കിലോ സ്ഫോടക വസ്തു പോലീസ് പിടികൂടി.ലോറിയില്‍ ഉണ്ടായിരുന്ന സേലം സ്വദേശി മാതേഷിനെ പൊലീസ് കസ്റ്റഡിയിലെടുത്തു.1000 കിലോ ജലാറ്റിന്‍ സ്റ്റിക്കായിരുന്നു ലോറിയില്‍ ഉണ്ടായിരുന്നത്. രഹസ്യ വിവരത്തിന്റെ അടിസ്ഥാനത്തിലായിരുന്നു പൊലീസ് പരിശോധന. തമിഴ്നാട്ടില്‍ നിന്ന് വയനാട്ടിലേക്കാണ് സ്ഫോടക വസ്തുക്കള്‍ കടത്താന്‍ ശ്രമിച്ചതെന്നാണ് വിവരം ലഭിച്ചത്. സ്ഫോടക വസ്തുകളുമായി ബന്ധപ്പെട്ട രേഖകളൊന്നും ഡ്രൈവറുടെ കൈവശം ഉണ്ടായിരുന്നില്ല. പെട്ടികളിലാക്കി ടാർപോളിൻ കൊണ്ട് മൂടിയാണ് സ്ഫോടക വസ്തുക്കള്‍ ലോറിയില്‍ സൂക്ഷിച്ചിരുന്നത്. ലോറി മുക്കം പൊലീസ് സ്റ്റേഷനിലേക്ക് മാറ്റി.