അട്ടപ്പാടി:അട്ടപ്പാടിയിൽ ജനക്കൂട്ടത്തിന്റെ മർദനമേറ്റ് മരിച്ച ആദിവാസി യുവാവ് മധുവിന്റെ കുടുംബത്തിന് മുഖ്യമന്ത്രി പത്തുലക്ഷം രൂപ ധനസഹായം അനുവദിച്ചു.തന്റെ ഔദ്യോഗിക ഫേസ്ബുക് പേജിലൂടെയാണ് മുഖ്യമന്ത്രി ഇക്കാര്യം വ്യക്തമാക്കിയത്.തുക എത്രയും വേഗം ലഭ്യമാക്കാനുള്ള നടപടിയെടുക്കാൻ ചീഫ് സെക്രട്ടറിയോട് നിർദേശം നൽകിയതായും മുഖ്യമന്ത്രി ഫേസ്ബുക്ക് പോസ്റ്റിൽ കുറിച്ചു.കഴിഞ്ഞ ദിവസമാണ് മോഷ്ട്ടാവാണെന്ന് ആരോപിച്ച് മധുവിനെ ജനക്കൂട്ടം വിചാരണ ചെയ്ത് മർദിച്ചത്.മധുവിനെ മർദിച്ചവർക്കെതിരെ കർശന നടപടിയെടുക്കുമെന്നും ഇതിനുള്ള നിർദേശം സംസ്ഥാന പോലീസ് മേധാവിക്ക് നൽകിയിട്ടുണ്ടെന്നും മുഖ്യമന്ത്രി പറഞ്ഞു.