കണ്ണൂർ:മട്ടന്നൂർ എടയന്നൂരിൽ കൊല്ലപ്പെട്ട യൂത്ത് കോൺഗ്രസ് പ്രവർത്തകൻ ശുഹൈബിന്റെ കുടുംബത്തിനും പരിക്കേറ്റ് ആശുപത്രിയിൽ കഴിയുന്നവർക്കും സമസ്തകേരള സുന്നി യുവജന സംഘം ധനസഹായം നൽകി.എസ്‌വൈഎസ് ഭാരവാഹികൾ ശുഹൈബിന്റെ വീട്ടിലെത്തിയാണ് ധനസഹായം കൈമാറിയത്. ശുഹൈബിന്റെ കൊലപ്പെടുത്തിയ മുഴുവൻ പ്രതികളെയും പിന്നിൽ പ്രവർത്തിച്ചവരെയും ഉടൻ തന്നെ പിടികൂടി നിയമത്തിനു മുന്നിൽ എത്തിക്കണമെന്ന് സുന്നി നേതാക്കൾ ആവശ്യപ്പെട്ടു.അല്ലാത്തപക്ഷം സുന്നി സംഘടനകൾ ശക്തമായ സമരപരിപടികളുമായി മുന്നോട്ട് വരുമെന്നും ഇവർ പറഞ്ഞു.