കൊച്ചി:മലയാളം ചാനൽ രംഗത്ത് മത്സരിക്കാൻ കോടികൾ മുതൽ മുടക്കി ദേശീയ ചാനലുകളുടെ കുത്തകയായ സീ നെറ്റ്‌വർക്ക് ഈ വിഷുവിനു പ്രക്ഷേപണം ആരംഭിക്കും. ഇന്ത്യയിലാകെ പത്തിലേറെ ചാനലുകളും അസംഘ്യം റേഡിയോ സ്റ്റേഷനുകളും സീ നെറ്റ്‌വർക്കിന്റെ കീഴിലുണ്ട്.രണ്ടു വർഷമായി ടെസ്റ്റ് റൺ നടക്കുന്ന സീ മലയാളം എന്റർടൈൻമെന്റ് ചാനലായിട്ടാണ് തുടങ്ങുന്നത്.നിരവധി വിനോദ പരിപാടികൾ ചാനൽ ഇതിനകം ഷൂട്ട് ചെയ്തിട്ടുണ്ട്.കൂടാതെ അടുത്തിടെ പുറത്തിറങ്ങിയ മലയാള സിനിമകളിൽ പലതും സീ മലയാളമാണ് സ്വന്തമാക്കിയിരിക്കുന്നത്. സൂപ്പർ ഹിറ്റ് ജയസൂര്യ ചിത്രം ആട് 2 ന്റെ സംപ്രേക്ഷണാവകാശവും സീ മലയാളത്തിന് തന്നെയാണ്.