കണ്ണൂർ:പെരിങ്ങോം മടക്കംപൊയിലിൽ അനധികൃത ക്വാറിയിൽ പോലീസ് സംഘം നടത്തിയ റെയ്‌ഡിൽ വൻ സ്ഫോടകവസ്തു ശേഖരം പിടികൂടി.4500 ജെലാറ്റിൻ സ്റ്റിക്കുകൾ,500 ഡിറ്റണേറ്ററുകൾ,ഫ്യൂസ് വയറുകൾ എന്നിവയാണ് പിടിച്ചെടുത്തത്.രഹസ്യവിവരം ലഭിച്ചതനുസരിച്ച് തളിപ്പറമ്പ് ഡിവൈഎസ്പി കെ.വി.വേണുഗോപാലിന്റെ നേതൃത്വത്തില്‍ സ്‌പെഷ്യല്‍ സ്‌ക്വാഡില്‍ പെട്ട സുരേഷ് കക്കറ, കെ.പ്രിയേഷ്, ഷറഫുദ്ദീന്‍ എന്നിവരും കെഎപിയിലെ ഉനൈസ് എന്നിവര്‍ ഉള്‍പ്പെട്ട സംഘവും നടത്തിയ പരിശോധനയിലാണ് ഇവ പിടികൂടിയത്.സംഭവവുമായി ബന്ധപ്പെട്ട് നാലുപേരെ പോലീസ് കസ്റ്റഡിയിലെടുത്തിട്ടുണ്ട്. വസുന്ധരൻ,സുജിത് സോമൻ,സുനിൽ,സുധീഷ് എന്നിവരാണ് പോലീസ് കസ്റ്റഡിയിലുള്ളത്.ഇവരെ വിശദമായി ചോദ്യം ചെയ്തു വരികയാണ്.