പെരിങ്ങത്തൂർ:സിപിഎം-ലീഗ് സംഘർഷത്തെ തുടർന്ന് പുല്ലൂക്കരയിൽ പോലീസ് കാവൽ ശക്തമാക്കി.ബുധനാഴ്ച രാത്രിയാണ് പുല്ലൂക്കര മുക്കിൽ പീടികയിലെ സിപിഎം പെരിങ്ങളം ലോക്കൽ കമ്മിറ്റി ഓഫീസിനു നേരെയും പുല്ലൂക്കരയിലും കൊച്ചിയങ്ങാടിയിലും ഉള്ള മുസ്ലിം ലീഗ് ഓഫീസുകൾക്ക് നേരെയും അക്രമം നടന്നത്.സംഭവത്തിൽപോലീസ് അന്വേഷണം ആരംഭിച്ചിട്ടുണ്ട്.ഏതാനും ആളുകളെ പോലീസ് ചോദ്യം ചെയ്തു വരികയാണ്. കൊച്ചിയങ്ങാടിയിൽ ലീഗ് പ്രവർത്തകന് വെട്ടേറ്റതായും പരാതിയുണ്ടായിരുന്നു.തലശ്ശേരി എസ്പി ചൈത്ര തെരേസ ജോൺ,പാനൂർ സിഐ വി.വി ബെന്നി,ചൊക്ലി എസ്‌ഐ ഇ.വി ഫായിസ് അലി, പാനൂർ എസ്‌ഐ ഷൈജിത്ത് എന്നിവരുടെ നേതൃത്വത്തിലുള്ള പോലീസ് സംഘം പ്രദേശം സന്ദർശിച്ചു.