തിരുവനന്തപുരം:അനുജന്റെ മരണത്തിന് ഉത്തരവാദികളായവരെ കണ്ടെത്തണമെന്ന് ആവശ്യപ്പെട്ട് ശ്രീജിത്ത് സെക്രെട്ടെറിയേറ്റ് പടിക്കൽ നടത്തി വന്ന സമരം പിൻവലിച്ചു.ഇന്ന് രാവിലെ സിബിഐ മുൻപാകെ മൊഴി രേഖപ്പെടുത്തിയതിനു ശേഷമാണ് സമരം പിൻവലിക്കുന്നതായി ശ്രീജിത്ത് അറിയിച്ചത്.സമരം എത്തേണ്ടിടത്ത് എത്തിയിരിക്കുന്നു, ഇനിയും സമരം ചെയ്യേണ്ട ആവശ്യമില്ല,സിബിഐ അന്വേഷണത്തിൽ തൃപ്തിയുണ്ടെന്നും ശ്രീജിത്ത് പറഞ്ഞു.ഇന്ന് രാവിലെ പത്തുമണിയോട് കൂടിയാണ് ശ്രീജിത്തിന്റെയും അമ്മ രമണിയുടെയും മൊഴി സിബിഐ രേഖപ്പെടുത്തിയത്.