കൊച്ചി:മാധവിക്കുട്ടിയുടെ ജീവിതം ആസ്പദമാക്കി കമൽ സംവിധാനം ചെയ്ത ചിത്രം ‘ആമി;ക്ക് പ്രദർശനാനുമതി നല്കരുതെന്നാവശ്യപ്പെട്ട് ഹൈക്കോടതിയിൽ ഹർജി.ഇടപ്പള്ളി സ്വദേശി കെ.രാമചന്ദ്രനാണ് ഹർജി സമർപ്പിച്ചിരിക്കുന്നത്.മഞ്ജു വാര്യരാണ് ചിത്രത്തിൽ മാധവിക്കുട്ടിയായി അഭിനയിച്ചിരിക്കുന്നത്. മാധവിക്കുട്ടിയുടെ കഥയെ ആസ്പതമാക്കിയുള്ളതാണ് ചിത്രമെന്ന് പറയുന്നുണ്ടെങ്കിലും യഥാർത്ഥ വിവരങ്ങൾ പലതും ചിത്രത്തിൽ ഉൾക്കൊള്ളിച്ചിട്ടില്ലെന്നും ഹർജിക്കാരൻ പറയുന്നു.കൂടാതെ കോടതി ചിത്രത്തിന്റെ തിരക്കഥ പരിശോധിക്കണമെന്നും മതവികാരത്തെ വ്രണപ്പെടുത്തുന്നതാണ് ചിത്രമെങ്കിൽ പ്രദർശനാനുമതി നിഷേധിക്കണമെന്നും ഹർജിയിൽ ആവശ്യപ്പെടുന്നുണ്ട്.ഹർജി കോടതി ഇന്ന് പരിഗണിക്കും.