തോട്ടട:തോട്ടടയിൽ വീട്ടിൽ മോഷണം.അഞ്ചരപ്പവനും 70,000 രൂപയും കവർന്നു.കോമത്ത് വത്സലന്റെ വീട്ടിൽ കയറിയ കള്ളൻ അലമാരയിൽ സൂക്ഷിച്ചിരുന്ന ഒന്നരപവന്റെ രണ്ട് മാല,ഒരു പവന്റെ രണ്ടു വള,അരപ്പവന്റെ ഒരു ജോഡി കമ്മൽ എന്നിവയും 70,000 രൂപയും മോഷ്ടിച്ചു.ഞായറഴ്ച രാവിലെയാണ് വീട്ടമ്മ വനജ അടുക്കളഭാഗത്തെ വാതിൽ തുറന്നിട്ട നിലയിൽ കണ്ടെത്തിയത്.ഗ്യാസ് പൈപ്പ് കടത്തിവിടുന്നതിനായി അടുക്കഭാഗത്തെ ജനൽ ലോക്ക് ചെയ്യാറില്ലായിരുന്നു. ഇതിലൂടെ കയ്യിട്ട് വാതിൽ തുറന്നാകാം കള്ളൻ അകത്തുകയറിയതെന്നാണ് നിഗമനം.അടുക്കളപ്പുറത്തെ ഗ്രിൽസും തുറന്ന നിലയിലായിരുന്നു.എടക്കാട് പോലീസും കണ്ണൂരിൽ നിന്നെത്തിയ ഡോഗ് സ്ക്വാർഡും ഫോറൻസിക് വിദഗ്ദ്ധരും സ്ഥലത്തെത്തി പരിശോധന നടത്തി.